منتدى طب المنصورة
السلام عليكم ورحمة الله وبركاته...,
مرحبا بك فى منتدى طب المنصورة.. لتتمتع بكل صلاحيات المنتدى ندعوك للتسجيل معنا اذا كنت ترغب فى ذلك
أو تسجيل الدخول إذا كنت مسجلا من قبل....... ونتنمى لكم وقتا طيبا ودمتم فى رعاية الله

منتدى طب المنصورة

Welcome to mansmedicine
 
الرئيسيةاليوميةبحـثالمجموعاتالتسجيلدخول

يمكنكم الأن تحميل تطبيق مكتبة الأمير لطلبة كلية الطب جامعة المنصورة وتطبيق مكتبة الفجر لطلبة كليه الصيدلة جامعة المنصورة...فقط من منتدى طب المنصورة

آخر المواضيع
الموضوع
تاريخ ارسال المشاركة
بواسطة
علاج إدمان المخدارات
حمل تحديث تطبيق الامير الجديد
انتظروا التحديث الجديد لتطبيق الامير
تحميل التحديث الجديد لتطبيق الفجر
كشف ارقام جلوس الفرقة الثالثة 2015 / 2016
مذكرات الMCQ
تواصل مع مكتبة الفجر اونلاين
اشعارات تطبيق الامير
تجميعات وتلخيصات مهمة فى البارا
MCQ فارما بالاجابات
الأربعاء سبتمبر 20, 2017 5:35 pm
الجمعة فبراير 05, 2016 10:23 pm
الإثنين يناير 11, 2016 12:50 pm
السبت يناير 09, 2016 3:26 pm
الأحد يناير 03, 2016 1:41 pm
السبت يناير 02, 2016 8:44 pm
السبت ديسمبر 26, 2015 10:52 am
الخميس ديسمبر 24, 2015 9:02 pm
الثلاثاء ديسمبر 22, 2015 3:47 pm
الثلاثاء ديسمبر 22, 2015 3:46 pm
ganakarim
الامير
الامير
الفجر
Khalid Ahmed
الامير
Khalid Ahmed
الامير
الامير
الامير

شاطر | 
 

 مشوار كلية الطب..!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Khalid Ahmed
مدير المنتدى
مدير المنتدى
avatar

عدد المساهمات : 216
تاريخ التسجيل : 14/06/2014
العمر : 22
الموقع : منتدى طب المنصورة

مُساهمةموضوع: مشوار كلية الطب..!   الإثنين يوليو 27, 2015 9:12 pm

منتدى طب المنصورة 




الموضوع منقول من موقع اخر للأمانة ...


طبعا كتير مننا عايز يعرف مشواره ف الكلية ازاى
و ايه اللى هيدرسه و كدة و يبقى عارف راسو من رجلو
البوست دة ان شاء الله هيجاوب على اسئلة كتير جوة دماغكم
بس محدش يتخض و بالهداوة كدة

الكلية بتاعتنا ست سنين
و بعدهم سنة امتياز
اللى هية التدريب العملى

الست السنين بتوعنا بينقسموا كالتالى
اول 3 سنين دى دراسة نظرى اكاديمى ف الكلية
و ال 3 سنين اللى بعد كدة دى دراسة كليكنال يعنى ف المستشفي
بتشوف عيانين بجد و تدرس الحالة بتاعتهم و التخصصات المختلفة اللى بتشوف الدكاترة بيشتغلوها
انتا اول مرة تشوفها بتبقى ف التلات سنين التانيين دول
بالنسبة للتلات سنين الاولانيين
اول سنتين منهم بتدرس الجسم نفسو
بتدرس حالة جسم الانسان السليم
من حيث تركبيته و تفصيلاته الدقيقة بيتكون كل حتة ف الجسم من ايه..دى مادة التشريح..
اللى هية الاناتومى

و بتدرس وظائف الاعضاء..وظيفة كل عضو ايه بالتفصيل و ازاى بيلائم تركيبه وظيفته
دى مادة الفسيولوجى..علم وظائف الاعضاء
هتاخدوا
مادة البيو ..اللى هية الكيمياء الحيوية
بتدخل الكيمياء ف الاحياء..يعنى ايه؟
يعنى بتتعمق ف تفاصيل دقيقة ازاى اصلا الجسم بيشتغل كيميائيا..
التفاعلات الكيميائية اللى بتحصل جوة الخلايا
و ازاى ينتج عنها حدوث العمليات الحيوية..زى الهضم و غيره
و تركيب البروتين و الكربوهيدرات..الخ الخ

مادة الهستولوجى ..دى علم الانسجة
يعنى كل حتة ف الجسم..شكلها تحت الميكروسكوب عامل ازاى
يعنى الجسم مش كلو نسيج واحد..فيه انسجة مختلفة كتير
انتا بتدرس شكل كل نسيج من دة تحت الميكروسكوب عامل ازاى..
يعنى التركيب الدقيق اللى مش بيبان بالعين المجردة
عكس الاناتومى اللى بتدرس فيه التركيب اللى باين بالعين المجردة قدامك

سنة تانية كلية بتدرس فيها نفس المواد بتاعت سنة اولى بالضبط
الاربعة همة هماهم..فسيولوجى..اناتومى..بيو..هستولوجى
يعنى بتاخد نص المادة ف سنة اولى و نصها ف سنة تانية

يعنى مثلا ف الاناتومى
بتاخد ف سنة اولى
اول حاجة مقدمة عنو
كتاب صغير كدة اسمو
introduction
و بعد كدة بتخش ف العلم نفسو

upper limb
يعنى الطرف العلوى
الايد و الدراع و كدة

و بتاخد كمان

lower limb
يعنى الطرف السفلى
و بتاخد
thorax
يعنى القفص الصدرى

سنة تانية بقى بتكمل بقية الجسم
يعنى بتاخد
head and neck
الرأس و الرقبة
و بتاخد
abdomen-pelvis
البطن و الحوض
و بتاخد حاجة اسمها نيورو اناتومى
يعنى وصف للمخ من الداخل و الاعصاب المخية و تفاصيل كل جزء من اجزاء المخ

و سواء ف سنة اولى او سنة تانية بتدرس ف الاناتومى حاجة اسمها امبريولوجى
يعنى علم النشأة
يعنى ازاى الانسان تطور و بقى الشكل اللى انتا شايفه دة
بدئا من اول النظفة..بويضة مخصبة..الى اللى انتا شايفه دة كلو
ازاى كل فتفوتة ف الانسان بقت جزء معين بالشكل العبقرى دة
دة العلم اللى كنت كل ما اعرف فيه تفصيلة جديدة لازم اقول ..سبحان الله !
بتدرس جزء من الامبريولوجى ف سنة اولى..و الجزء الاكبر منو ف سنة تانية

اما عن الفسيولوجى
بتدرس ف سنة اولى
blood الدم
طبعا تركيب خلايا الدم و ازاى بيلائم وظيفته

autonomic nervous system
اللى هوة الجهاز العصبى السمبثاوى و البار سمبثاوى
sympathetic and parasympathetic

nerve and muscle
العضلات و الاعصاب وانواعهم و ازاى بيشتغلوا و كدة

cardiovascular system
الجهاز الدورى..بتدرس بالتفصيل الممل القلب بيتكون من ايه و بيشتغل ازاى و رسم القلب
و ضغط الدم و الدورة الدموية و كل ما هو متعلق بالجهاز دة

respiratory system
الجهاز التنفسى
بردو الرئة و كيفية حدوث تبادل الهواء عن خلالها .الخ.من اللى مفروض تعرفه عن الجهاز دة


سنة تانية بقى بتدرس
GIT الجهاز الهضمى
Renal الكليتين
Endocrine الغدد الصماء
reproductive الجهاز التناسلى
metabolism التمثيل الغذائى

و كمان بتدرس الجهاز العصبى بالتفصيل على اربع فروع
sensory الجهاز الحسى
motor الجهاز الحركى
special senses حواس خاصة
higher brain functions الوظائف العليا للمخ



مادة البيو..الكيمياء الحيوية
بتدرس ف سنة اولى
البروتين من حيث التكوين
و المادة الاولية هية الاحماض الامينية
و الكربوهيدرات..تكوينها بردو
Enzymes الانزيمات
و ازاى بتشتغل و انواعها و كدة
DNA الحمض النووى
و برانشات خفيفة شوية زى الهرمونات و تركيب الحديد و اغشية الخلية..

سنة تانية
بتدرس بقى كيفية صنع المواد دى
ازاى تعمل البروتين؟
كل حمض امينى من دول ازاى يتم تخليقه
ربع المنهج بالضبط بروتين
ربعه كربوهيدرات
ربعه ليبيد اللى هوة الدهون يعنى
و اخر ربع عبارة عن شباتر صغيرة بردو زى ربط الخلية كل دة مع بعضو ازاى و
الفيتامينات و صنع الحمض النووى


مادة الهستولوجى
بتدرس اول حاجة ف سنة اولى
علم الخلية
مكونات الخلية بتعرفها كلها و بتدرس كل مكون منها شكلو عامل ازاى تحت الميكروسكوب
و وظيفته اايه

زى الميتوكوندريا و النواة و جهاز جولجى و السيتوبلازم..الخ

و بعد كدة بتدخل الانسجة نفسها
بتاخد
epithelial tissue اللى بيغطى اى حاجة من برة
connective tissue اللى بيصل بين اى نسجين او اكتر
و طبعا بالتفصيل و المكونات و الانواع و كدة

و بتبدأ تدخل ف الانسجة المبطنة لاجهزة الجسم المختلفة
و دى بتدرس فيها اولى و تانية بقى
blood
muscle
nerve
respiratory
G.I.T
endocrine
nervous system
cranial nerfes
skin
lymphatic system
الخ
كل حاجة ..




كدة اول سنتين ف الكلية درسنا الجسم السليم

سنة تالتة ندرس المرض بقى..دى سنة الامراض
يعنى اول مادة مثلا الفارما..دى مادة الادوية..الى هية بتعالج الامراض
كل الادوية بتاخدها و طريقتها و اساميها و ازاى بتشتغل و الاعراض الجانبية ليها

و مادة الباثولوجى..علم الامراض نفسو
و هوة عبارة عن التغيرات اللى بتحصل للنسيج او العضو حينما يطرأ عليه تغير مرضى
ف مثلا ان يحدث التهاب
inflammation
او يحصل ورم
tumor
و هكذا بقى..بتدرس الاول كل الحاجات اللى ممكن تحصل بوجه عام ف انسجة الجسم
و بعد كدة بتاخدها ف كل جهاز من اجهزة الجسم بالتفصيل
الباثولوجى من اصعب المواد ف كلية طب و كبيرة جدا
لان انتا بتاخد فيها لوحدها كل الامراض الل بتحصل ف جسم الانسان تقريبا
و اللى لسة هتدرسها تفصيلا ف اخر تلات سنين ف الكلية

و مادة الميكروبيولوجى
بتدرس فيها البكتيريا و الفيروسات المختلفة المسببة للامراض
كل الكائنات الدقيقة و تركيبها وانواعها و كيف تؤثر ع الجسم و كيف تكشف عنها ف المعمل
و كمان بتاخد المناعة..جهاز المناعة بتاع الاسنان..و ازاى بيهاجم اى ميكروبات و كيف تتأثر بوظيفته سلبا او ايجابا
مادة اغلب الناس شايفينا رخمة

مادة البارا سيتولوجى..علم الطفيليات
دى مادة صغيرة كدة..بتدرس فيها الطفيليات اللى بتأثر على جسمنا
الديدان و الكائنات وحيدة الخلية و الحشرات
هية فيها اسامى غريبة شوية بس مضحكة يعنى


كدة اول تلات سنين ف الكلية دراسة نظرى

بعد كدة التلات سنين التانيين
سنة رابعة بتاخد فيها اربع مواد
رمد و انف و اذن و حنجرة
دى تخصصات كلينكال بقى بتاخدها ف المستشفى
طبعا بتاخد الامراض اللى فيهم و ازاى تشخصها
و ازاى تعالجها و المريض بيجيلك عامل ازاى و بيشتكى من ايه

مادة طب المجتمع..ازاى نعمل احصائيات معينة للمواليد و الوفيات و غيره
و تنظيم الاسرة و المراكز الصحية و كل الامراض المستوطنة
اللى بيتنقل منها من شخص لاخر و اللى مش بيتنقل
و التغذية السليمة و لبن الام و الغذاء الصحى
..الخ..مادة عبارة عن كلام جرايد

مادة الطب الشرعى و السموم
دى قسمين
الطب الشرعى..شارحة نفسها
الجروح و الرصاص و السحجات و الطعنات و الحروق و الغرق و الانتحار و غيرها

مادة السموم
دى بتدرس فيها كل سم من السموم بيشتغل ازاى
و بيأثر على ايه ف الجسم و ازاى ممكن يأدى للوفاة
و ازاى ممكن نتخلص منو و نشخص الحالة
و السم مش شرط يبقى سم بس..ممكن اى حاجة لو خدتها بجرعة كبيرة تبقى سم بما فيها الادوية نفسها



سنة خامسة فيها مادتين
باطنة و اطفال
لكن مادتين مادتين يعنى
الاطفال 5 كتب
pediatrics
و الباطنة 16 كتاب
الباطنة مش جاية من البطن
جاية من الباطن ..يعنى كل ماهو بالداخل..
internal medicine
و بتتقسم قسمين
باطنة خاصة
فيها تلات برانشات
neurology العصبية
psychatry النفسية
dermatology الجلدية

و باطنة خاصة فيها كل البرانشات التانية بقى
cardiology قلب
hepatology كبد
chest صدر
git الجهاز الهضمى
geriatric كبار السن
endocrine الغدد الصماء
nephrology الكلى
hematology الدم
reuomatology العظام


الاطفال فيها كتير من الباطنة
بس فيه برانشات مختصة بالاطفال فقط
زى الجينات
genetics
و زى
inborn errors of metabolism




سنة سادسة فيها مادتين بردو
نساء و جراحة

نساء و توليد
المادة متقسمة لجزئين

الأول النسا أو ال
GYNA
ودة القسم اللي بيكلم عن الأمراض الخاصة بالمرأة زي النزيف و السرطانات و العقم و موانع الحمل و سن اليأس و البلوغ و التغيرات و الأناتومي الخاص بال
reproductive system of a female

الثاني و هو الولادة أو ال
OBST
و هو المتخصص بكل شيء متعلق بالمرأة الحامل من أول الحمل الطبيعي و التغيرات اللي فيه و بعدين اللإجهاض و نزيف أول الحمل و النزيف في أثناء الولادة و الأمراض زي ال PET و ال DM و كدة و بعدين المشاكل في العيل و هو في الرحم زي ال
Macrosomia و ال Preterm و ال post term baby
و هكذا حتى تصل لكيفية الولادة و التكنيكات المختلفة اللي لازم تحفظها عشان مهمة جدا في الولادة العادية و الولادة المتعسرة و أوضاع الجنين المختلفة

الجراحة
فيها جزئين..جراحة عامة و جراحة خاصة

الجراحة العامة
GIT
Thyroid
Breast
Testis
Hernia
General topics

الخاصة special
Renal
Bone
Plastic
Neuro
Cardio



خلاص كدة الست سنين بتوع دراستك ف الكلية
بعد كدة سنة الامتياز..
دى عبارة عن انك بتعدى على الاقسام المختلفة ف المستشفى كل قسم تقعد فيه فترة معينة..شهر ..شهرين
عشان تشوف الحالات العملى و تتدرب عليها و تاخد خبرة ف الطب
السنة دى تعتبر شغل عادى لانك بتاخد عليها فلوس..اى نعم مش قد كدة..بس بتاخد فلوس
بتستمر من شهر 3 لشهر 3 السنة اللى بعديها

و بعد الامتياز طبعا لو ولد له جيش
و بعد كدة التكليف و ما يليه بقى من الماجستير و الدبلومات و الدكتوراة و الزمالة..دراسات عليا يعنى

بالتوفيق للجميع ان شاء الله ^_^


---------------------- 








تحيــــاتي وتقــديري للجمــــيع

سبحان الله بحمده *** سبحان الله العظيم
الرجوع الى أعلى الصفحة اذهب الى الأسفل
http://mansmedicine.fullsubject.com
 
مشوار كلية الطب..!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى طب المنصورة :: الفرقة الأولى :: الطلبة الجدد-