منتدى طب المنصورة
السلام عليكم ورحمة الله وبركاته...,
مرحبا بك فى منتدى طب المنصورة.. لتتمتع بكل صلاحيات المنتدى ندعوك للتسجيل معنا اذا كنت ترغب فى ذلك
أو تسجيل الدخول إذا كنت مسجلا من قبل....... ونتنمى لكم وقتا طيبا ودمتم فى رعاية الله

منتدى طب المنصورة

Welcome to mansmedicine
 
الرئيسيةاليوميةبحـثالمجموعاتالتسجيلدخول

يمكنكم الأن تحميل تطبيق مكتبة الأمير لطلبة كلية الطب جامعة المنصورة وتطبيق مكتبة الفجر لطلبة كليه الصيدلة جامعة المنصورة...فقط من منتدى طب المنصورة

آخر المواضيع
الموضوع
تاريخ ارسال المشاركة
بواسطة
علاج إدمان المخدارات
حمل تحديث تطبيق الامير الجديد
انتظروا التحديث الجديد لتطبيق الامير
تحميل التحديث الجديد لتطبيق الفجر
كشف ارقام جلوس الفرقة الثالثة 2015 / 2016
مذكرات الMCQ
تواصل مع مكتبة الفجر اونلاين
اشعارات تطبيق الامير
تجميعات وتلخيصات مهمة فى البارا
MCQ فارما بالاجابات
الأربعاء سبتمبر 20, 2017 5:35 pm
الجمعة فبراير 05, 2016 10:23 pm
الإثنين يناير 11, 2016 12:50 pm
السبت يناير 09, 2016 3:26 pm
الأحد يناير 03, 2016 1:41 pm
السبت يناير 02, 2016 8:44 pm
السبت ديسمبر 26, 2015 10:52 am
الخميس ديسمبر 24, 2015 9:02 pm
الثلاثاء ديسمبر 22, 2015 3:47 pm
الثلاثاء ديسمبر 22, 2015 3:46 pm
ganakarim
الامير
الامير
الفجر
Khalid Ahmed
الامير
Khalid Ahmed
الامير
الامير
الامير

شاطر | 
 

 نصائح لكيفية المذاكرة فى كلية الطب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Khalid Ahmed
مدير المنتدى
مدير المنتدى
avatar

عدد المساهمات : 216
تاريخ التسجيل : 14/06/2014
العمر : 22
الموقع : منتدى طب المنصورة

مُساهمةموضوع: نصائح لكيفية المذاكرة فى كلية الطب   الأحد سبتمبر 21, 2014 9:11 pm

ـ ازاي تذاكر؟

أهم صعوبة تواجه طلاب الفرقة الأولى هي ماذا وكيف يذاكر ولمعرفة ذلك يلزم معرفة ما يلي:

1-في كتب الثانوية العامة
ومناهجها كانت المعلومات مرتبة من الأبسط إلى الأكثرتعقيدا بحيث تكون كل معلومة مكتوبة قد تم شرحها في الكلام السابق لها
ومابعدها من كلام يكون مبنيا عليها
بمعنى أنه مثلا في فيزياءالثانوية العامة درست أولا( الموجات) ثم (الكهربية)
وأيضا في دراستك الآن ستكون المعلومات التي ستدرسها مرتبة من الأسهل إلى الأكثر تعقيد
ولكن نظرا للتداخل الشديد بين المعلومات و المصطلحات الطبية
فأثناء حديث الكتاب عن (الموجات) مثلاسوف يذكر بعض المعلومات والمصطلحات عن( الكهربية)
وبالطبع
ستكون أنت في هذا الوقت عاجز تماما عن فهم هذا الكلام الخاص بفصل( الكهربية)
لأنك لم تدرسه بعد وستكون محاولاتك لفهمه في الوقت الحالي إضاعة لوقتك
لأن هذا الكلام سيتم شرحه لك بالتفصيل فيما بعد
.يعني من الآخر
وحضرتك بتذاكر وجدت كلام أو جملة أو مصطلح لم يشرحه الدكتور في المحاضرة
وكمان حضرتك بحثت عن معناه في القاموس وحاولت أن تفهمه و ما فهمتوش
سيبه وكمل مذاكرة وأبقى إسأل عنه بعدين.

2- لما تيجي تذاكر
حاول أولا ً أن تفهم الكلام اللي انت هتذاكره بيتكلم عن إيه
,ثم اقرأه وحاول أن تفهمه كله قدر المستطاع
وبعد ذلك ابدأ في حفظ الأجزاء الهامة أولا ً ثم الأقل أهمية بعد ذلك.

3- بعض المواد مثل الهستولوجي
تكون مكتوبة في صورة مقالات طويلة متصلة
ولذلك
عند المذاكرة يجب أن تصنف المعلومات المكتوبة تحت أفكار مرتبة
مثلما تفعل في موضوع التعبير حيث تضع الأفكار ثم تبدأ في الحديث عن كل فكرة
فمثلا ً
عند الحديث عن أي خلية يجب أن تتحدث عن (شكلها و حجمها و وظيفتها وعضياتها و موقعها وصباغتها وهكذا



4- وكمان لازم تحط خطة
يعنى
هتقول انا هذاكر كذا وكذا وقدامي مثلا ساعتين يبقى اذاكردى لمدة ساعة مثلا واريح خمسة
وادخل على المادة التانية.
وانصحك انك فى كل جزء من السنة يكون ليك خطة
بمعنى فى الاول تبدا هادى علشان متملش وبعدين تزود المدة شوية بشوية.
وفى الاول يستحسن تذاكرمواد كتيرة فى نفس اليوم
وفى الاخر يستحسن تذاكر مادتين مثلا فى اليوم
عشان تعرف تلم المادة على بعضها.
والمادة الكبيرة زودها فى الوقت وذاكرها كل يوم
والمادة الصغيرة ممكن تقلبها فى يومين فى الاسبوع وخلاص.

5- يجب عليك أن تعلم
أنه ليس كل كلام مكتوب في الكتاب يجب أن تذاكره(تحفظه)
بل هناك كلام يجب حفظه صم
وآخر يكفي الإلمام به
وآخر يكفي فهمه
وآخر مجرد قراءته تعتبر اجتهاد منك ,
فهناك معلومات ستُسأل فيها كأسئلة مقالية
وأخرىكأسئلة إخترأوأكمل
ومعلومات أخرى هامة فقط في الشفوي .
وسيساعدكم على معرفة ذلك حضور المحاضرات والإطلاع على امتحانات الأعوام السابقة.

6- ممكن حضرتك تقعد في المحاضرة
وتحس إن انت مش فاهم أي حاجة في أي حاجة.
ماتخفش
دي ظاهرة عادية بتحدث لك ولكل زملاءك في بداية العام بسبب اللغة
ولأنك لم تدرس أي شيء بعد
وبتكون مسألة وقت ثم تتعود على النظام
وللتغلب على هذه المشكلة
يجب عليك أولا ًأن تفهم الدكتور هيتكلم في المحاضرة عن إيه
(وهذا يمكن أن يتم عن طريق الإطلاع مسبقا ً على الجزء الذي سيتم شرحه في الكتاب)،
ثانيا ً تركز مع الدكتور بأكبرقدر ممكن
وإذا قال الدكتور كلام لم تفهمه فإما أن تسأل عنه فورا
ً أو تنساه مؤقتا ًوتركز في باقي شرح الدكتور
ثم تسأل في نهاية المحاضرة
ولا تتردد مطلقاً في أن تسأل
. وكل محاضرة فائدتهاالعظمى
ان هى بتعملك حفر فى مخك تقولك مثلا الحتة دى مهمة
والحتة دى صعبة ودى مش بتيجى كتير وهكذا
ودى اكبر فائدة للمحاضرات يمكن اكتر من الفهم نفسه
لان الذاكرة دىمش بتحفظ وخلاص
لا دى عايزة تصنعلها فراغ علشان تحشى فيه
وده اللى بتعمله المحاضرة او الشرايط
المهم تدخل المعلومة باكتر من شكل ممكن

7- ظاهرة التوهان
التي تحدث لك في المحاضرة قد تستمر لبعض الوقت ثم تختفي بعد ذلك،
ولكن
إذا تأخرت أنت في المذاكرة وتراكمت عليك الدروس
التي لم تذاكرها درسا ً تلو الآخر
فسوف تستمر في الإحساس بالتوهان داخل المحاضرة
لأن الكثير من الدروس والمعلومات تكون مبنية على بعضها
ولذلك احذر أن تتأخر في المذاكرة.


نيجى بعد كدة لحاجة مهمة وكلنا بنتعرض ليها وهى 
النسيان
- من الحاجات اللى بتخلى نفسية معظم الطلبة سيئة جدا فى بداية الدراسة ..
خصوصا الطلبة اللى متعودين على الالتزام والمذاكرة اول باول....
وده لان الطلبة هتتفاجئ بان معظم اللى بيذاكره بيتنسى بسرعة
رهيبة جدا
طبعا كلكوا اتخضيتوا جدا من الكلام ده ....  
بس انا رايى انه كلام بسيط جدا ومايستهالش الخضة ابدا ....
طب ازاى ؟؟؟
يعنى اللى هنذاكره هننساه على طول ... هنكتب ايه ف الامتحان؟؟
يا سيدى ما تتخضش ...
مين قال بس ان المشكلة دى هتستمر لحد بداية فترة الامتحانات؟؟
ومين قالك ان المشكلة دى مالهاش حل ؟؟
تعالوا ناخد الموضوع بالراحة وواحدة واحدة ...
اولا ايه هى اسباب المشكلة دى ...؟؟؟
اسباب المشكلة كالتالى ...  


1- ان اللغة اللي هنذاكر بيها مختلفة عن اللغة اللى احنا اتعودنا عليها
... وده اللى اتكلمنا عنه قبل كده ...
وعرفن اازاى هنتغلب عليها

2- كمية الحاجات االلى هنذاكرها
هتختلف تماما عن الكمية اللى كنا بنذاكرها قبل كده
.... زمان كنا بنصوت للاستاذ بتاع الاحياء لو زود عن صفحتين بالعدد
وبنقوله هنذاكر ده كله امتى ؟؟
دلوقتىخلاص .. الكمية بتزيد ... وبتبقى اكبر ...
ده غير انك هتبقى بتذاكر 4 مواد مع بعضهم
وعلى فكرة معظم الدكاترة بيحاولوا يراعوا النقطة دى فى بداية السنة وهتبقى الكميات معقولة ان شاء الله ...
وحل النقطة دى بيعتمد على التعود والصبر
وعلىفكرة احنا كلنا كنا خايفين جدا من الموضوع ده
لحد ما بدانا نتعود و الحمد لله

3- كلنا طبعا كنا متعودين
على طريق ةمعينة ف المذاكرة واحنا ف ثانوى ....
كنا بنقرا الدرس ونبتدى نحفظ ونصم كل جزءفيه بالتفصيل الممل
ونبتدى نفكر ...
لو جاب النقطة دى فى صورة علل هنجاوب ازاى ؟؟؟
ولوجابها فى صورة سؤال مقالى ؟؟؟
طب لو جابها فى صورة ماذا نعنى بقولنا ان ؟؟؟
كل الكلام ده ننسااااااااااااااااه خالص ف الكلية
طريقة المذاكرة ف الكلية هتختلف تماما لعدة اسباب
......
الاول : الكمية اللى انت المفروض تذاكرها اكبر بكتير من كميات الثانوى
الثانى : اسلوب الامتحان يختلف تماما عن اسلوب الامتحان ف الثانوى ...
الثالث:ان طبيعة المواد اللى احنا هنذاكرها بتختلف تماما عن طبيعة المواد اللى
كنا بندرسها ف الثانوى

طب وازاى هنتعامل مع المشكلة دى ؟؟

1- اهم حاجة ....
الصبر الصبر الصبر ...
هو ده الحل السحرى

2- الثقة ف النفس ...
للاسف فى ناس كتير بيختل توازنها بسبب المشكلة دى وبيفقدوا الثقة فى نفسهم
بحجة انهم مش عارفين يمشوا ف الكلية ....
و البعض للاسف بيوصل بيه الحال لدرجة اليأس
والسنة بتضيع بسبب مشكلة حلها بسيط جدا
3- القراءة ....
القراية الكتير ف الكتب
مع التركيز على المصطلحات العلمية الجديدة اللى بنقابلها فى القراية
القراية الكتير بتثبت المواضيع اللى بنذاكرها
...
4- وكمان وانت بتذاكر حاول تشرك حواسك كلها
يعني تقرأ بصوت عالي وتسمع نفسك وتشوف بعينك وممكن كمان تذاكر بالكتابة
ده هيثبت المعلومة اكتر ومتنساش بسرعة
كده يبقى احنا اتكلمنا عن كل حاجة بخصوص مشكلة النسيان وحلها


طرق هتفيدك

1- مثلا قدامك كام صفحة وعايز اذاكرهم
فى البداية
احب اقسم المذاكرة لنوعين:

الاول:

وهو تظبيط الموضوع
بمعنى لوعندك مصدر تانى بتفتح الاتنين مع بعض
ولو انت حضرت المحاضرة بتعلم على الكلام اللى انت سمعته
ولو بتسمع شرايط بتعلم علي الكلمات المهمة
وفي الخطوة دى بتعلم فيها على الكلمات المهمة
يعنى بتحس ان السطر كله بيصب فى الكلمة دى وهكذا
وبعد ما تخلصه
اهتلاقي الصفح رسيت على كام كلمة هما الخلاصة
وبعدين تلون العنوان الرئيسى بلون
والعناوين الفرعية بلون
ومواضيع الامتحانات بلون
وطريقة الالوان دى مفيدة جدا فى المراجعة
لانها بتساعدك على انك تفتكر بصورة كبيرة
لكن ارجو عدم الافراط فى التلوين

والثانى:

وهو استرجاع الجزء الذىذاكرته وتحشره فى مخك
والخطوة دى عايزة تركيز عكس الخطوةالاولى
يبقى انت لو مش مركز
هتبدأ تمسك جزء جديد وتخططه
ولما تبقى مركز تبدامرحلة حشر المعلومة.
انت دلوقتى
خططت فى الكتاب على الكلمات المهمة وذاكرتها وفهمتها

عايز بقىتحفظ؟
خدوا بقي الطريقة دى

1- حاول تكون علاقة بين الكلمات وبعضها
حتى لو مفيش علاقة
مثلا عن طريق قصة:
يعنى مثلا:
بنت قلم شجرة كمبيوتر كتاب موبايل احمر اسود دكتوربالط
وحاول انك تعمل قصة فى خيالك وبالترتيب
بحيث انك لما تشوف الكلمات دى تفتكر القصة
مثلا:تخيل ان البنت بترسم بالقلم شجرة
والشجرة بتطرح كمبيوترات وكل كمبيوتر فيه صوره كتاب
فيه موبايل احمر فى اسود ماسكه دكتور لابس بالطو ابيض
.هتلاقيك حفظت كلمات ليس لها علاقة ببعض الا القصة اللى فى خيالك.

وممكن تكون القصة متحركة
يعنى مثل اتخيل القلب شقتين فوق بعض
كل شقة حجرتين يمين وشمال معزولين عن بعض تماما
وبين كل حجرة والحجرة اللى فوقها باب يعدى الماء من فوق لتحت بس
وفىالحجرتين اللى تحت
مضختين موصلين على ماسورتين كبارالاورطى والشريان الرئوى
الماسورة الكبيرة(الاورطى) بتروح تغزى العمارة كلها( الجسم)
وبعدين اللى راجع من العمارة يروح الحجرة اللى فوق يمين
وبعدين ينزل من الباب (الصمام)ويروح للحجرة اللىتحت يمين
ومنه للماسورة التانية بتروح على وحدة الفلترة(الرئة)
ويرجع منها الماء على الحجرة اللى فوق شمال ( الاوردة الرئوية)
وبعدين ينزل للحجرة اللى تحت شمال
ويروح للمسورة الكبيرة تانى

.2- وممكن تكون طريقة الحفظ باول حرف من كل كلمة
وتكون حاجة تحفظها
مثال Igs (هتعرفها بعدين)
ممكن تجمعهم في كلمة جامد أو ماجد
اللي هما IgM,IgA,IgG,IgE,IgD
3- وممكن يكون الحفظ بطريقة انك بتذاكر موضوعين مع بعضوبتحاول تقرب بين العناوين اللى فى النص


تابعونا.......


---------------------- 








تحيــــاتي وتقــديري للجمــــيع

سبحان الله بحمده *** سبحان الله العظيم
الرجوع الى أعلى الصفحة اذهب الى الأسفل
http://mansmedicine.fullsubject.com
Khalid Ahmed
مدير المنتدى
مدير المنتدى
avatar

عدد المساهمات : 216
تاريخ التسجيل : 14/06/2014
العمر : 22
الموقع : منتدى طب المنصورة

مُساهمةموضوع: رد: نصائح لكيفية المذاكرة فى كلية الطب   الأحد سبتمبر 21, 2014 9:14 pm

واخيرا ونعتذر للاطالة

ملاحظات بالنسبة للمواد:

1- الفسيولوجى

هي مادة عايزة فهم
و لازم تتذاكر اول باول
وهي دي المادة اللى ماينفعش نسيب فيها حاجة مش متذاكرة لاخر السنة
لانها هتتراكم عليك وبتبقي متعبة للغاية لو تراكمت

2- مادة التشريح

هى تانى اكبر مادة ف الحجم بعد الفسيولوجى على طول
وهى مهمة جد الكل اللى ناوى يشتغل جراحة ان شاء الله
وبتحتاج لشوية تخيل اثناء المذاكرة
ويا ريت كل واحد وهو بيذاكر يكون جنبه أطلس صور
يبص فيه مع الكلام النظري
و يمسك ورقة وقلم ويرسم اللى بيذاكره  
هتبقى المادة اسهل وابسط بكتيران شاء الله

3- الهستولوجي

زي ما قلنا قبل كده
انها بتكون مكتوبة في صورة مقالات طويلة متصلة
ولذلك عند المذاكرة
يجب أن تصنف المعلومات المكتوبة تحت أفكار مرتبة
مثلما تفعل في موضوع التعبير
حيث تضع الأفكار ثم تبدأ في الحديث عن كل فكرة
فمثلا
ًعند الحديث عن أي خلية
يجب أن تتحدث عن شكلها و حجمها و وظيفتها وعضياتها و موقعها وصباغتها وهكذا
وكمان فيه حاجة
فيه ناس كتير بتتشغل بمذاكرة المواد الكبيرة ويركنوا الهستولوجي
فيا ريت محدش يعمل كده
وحاول تنظم وقتك وتاخد فكرة عن المادة
لانك لو سبتها تتراكم عليك لحد اخر السنة هتبقي صعبة وتقيلة عليك جدا

4-الكيمياء الحيوية

ودي لازم تذاكرها اول بأول وتكررها كذا مرة
علشان الصيغ والمعادلات الكيميائية تثبت في مخك
وممكن تجيب كتب الدكتور سعيد عرابي هتساعدك


أخيرا:



دعاء بدء المذاكرة:

الله اني اسألك فهم النبيين وحفظ المرسلين والملائكة المقربين اللهم اجعل السنتنا عامرة بذكرك وقلوبنا بخشيتك انك علي ما تشاء قدير

دعاء الانتهاء من المذاكرة:

اللهم اني استودعك ما قرأت وما حفظت وما فهمت فرده الي عند حاجتي اليه يارب العالمين

وبالتوفيق ان شاء الله


---------------------- 








تحيــــاتي وتقــديري للجمــــيع

سبحان الله بحمده *** سبحان الله العظيم
الرجوع الى أعلى الصفحة اذهب الى الأسفل
http://mansmedicine.fullsubject.com
ملكة الاحساس

avatar

عدد المساهمات : 14
تاريخ التسجيل : 21/10/2014
العمر : 21
العمل/التخصص : طالبة بكلية الطب

مُساهمةموضوع: رد: نصائح لكيفية المذاكرة فى كلية الطب   الثلاثاء أكتوبر 21, 2014 3:32 pm

شكرا جزيلا على النصائح الجميلة ...ربنا يباركلك
الرجوع الى أعلى الصفحة اذهب الى الأسفل
 
نصائح لكيفية المذاكرة فى كلية الطب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى طب المنصورة :: الفرقة الأولى :: الطلبة الجدد-